03/27/2026 Վերջին շաբաթներին մի քանի դաշնային դատարանների որոշումներ կասեցրել են DHS-ի փորձերը՝ սկսելու կալանքի ենթարկել որոշ փախստականների, որոնք արդեն օրինական կերպով ընդունվել էին ԱՄՆ։ Խոսքը վերաբերում է Մինեսոտայի և Մասաչուսեթսի գործերին։ Reuters-ի համաձայն՝ Բոստոնի դատարանը ժամանակավորապես արգելափակել է քաղաքականության ավելի լայն կիրառումը, իսկ Մինեսոտայում դատարանը ավելի վաղ արդեն արգելել էր նման փախստականների ձերբակալությունն ու կալանքը նահանգի սահմաններում։ Ո՞ւմ է վերաբերում սա ❗️Կարևոր է չխառնել տարբեր կատեգորիաները։ Խոսքը վերաբերում է փախստականներին (refugees)՝ այն անձանց, որոնք ընդունվել են ԱՄՆ փախստականների վերաբնակեցման ծրագրով։ Սա չի վերաբերում այն անձանց, որոնք պարզապես ապաստանի դիմում են ներկայացրել և դեռ սպասում են։ Սա չի վերաբերում նաև TPS ստատուս ունեցողներին։ TPS-ը առանձին ժամանակավոր հումանիտար կարգավիճակ է՝ իր իրավական հիմքերով։ Pending asylum (ընթացքի մեջ գտնվող ապաստանի դիմում) կարգավիճակն էլ ուղղակիորեն չի առնչվում այս գործերին։ Իսկ ապաստան ստացածնե՞րը Այս գործերում դատարանները դիտարկել են հենց փախստականներին, ոչ թե ապաստան ստացածներին (asylee)։ Թեև asylee-ներն ունեն գրին քարտի դիմելու իրավունք մեկ տարի անց, սա առանձին իրավական կատեգորիա է։ Ուստի սխալ կլինի ասել, որ որոշումները ավտոմատ վերաբերում են բոլոր asylee-ներին։ Ի՞նչ էր փորձում անել DHS-ը Վեճը վերաբերում է INA § 209(a)-ի մեկնաբանությանը։ Օրենքում նշվում է, որ փախստականը, որը մեկ տարվա ընթացքում չի ստացել մշտական բնակության կարգավիճակ, պետք է “վերադառնա կամ վերադարձվի DHS-ի վերահսկողության տակ”՝ ստուգման համար։ 2026-ի փետրվարին USCIS-ի և ICE-ի համատեղ հուշագիրը այս դրույթը մեկնաբանեց խիստ ձևով՝ նշելով, որ “custody”-ն նշանակում է կալանք։ Այսինքն՝ DHS-ը կարող է գտնել, ձերբակալել և կալանքի տակ պահել անձին։ Սա նոր օրենք չէր, այլ հին նորմի նոր մեկնաբանություն։ Ինչու առաջացավ վեճ Ըստ հայցվորների, դա խախտում էր տարիների պրակտիկան։ Այս քաղաքականությունը կարող էր ազդել հազարավոր մարդկանց վրա, այդ թվում՝ առանց քրեական անցյալի անձանց։ Շատերի գրին քարտի գործերը ուշացել էին հենց կառավարության պատճառով։ Դատարանների դիրքորոշումը Մինեսոտայում դատարանը նշել է, որ այս քաղաքականությունը “American Dream”-ը դարձնում է “dystopian nightmare” և արգելել է կալանքները։ Բոստոնում դատարանը նույնպես ժամանակավորապես արգելափակել է քաղաքականության կիրառումը։ Տեղեկատվությունը ներկայացված է ընդհանուր նպատակներով և չի հանդիսանում իրավաբանական խորհրդատվություն։